Dal paeselo son partito, con la speransa nel cuor
lassiando fameia, amici, portando el dolor
soldi, quase niente, portava pi la speransa
poi nela mente, un futuro a i so fioi.
tante di a pié, tanti di in treno
ma pi lontan el mare, ntela machina a vapor.
Saralo che sta mèrica ? sassi, montagne, capoere
o saralo un giardino del fior ?
ma gavemo coraio, gavemo la voia
se la ze bruta
la faremo bela e pien d`amor
E lori zê rivà, vardando che tanto gavea da far
si, con la manara, sapa, roncon, faldin
I ga fato strade, casete, versor e molin
adesso si, semo contenti
co'l sudor de lori, nostri imigranti
noantri, fioi, nipoti e tuti parente
gavemo sofresto poco, semo contente
E se DIO vol e adesso col nostro sudor
ndemo sempre avanti e semo in tuto el mondo
ma qua, in questo paese, gavemo fato
la NUOVA BELLUNO.
(Fabio Dalló)
